大公產品

首頁 > 文章 > 正文

聽音樂學「扮靚」建自信

時間:2017-06-26 03:15:13來源:大公網

  圖:「音樂無界限音樂義教計劃2017」,由香港菁英會、新家園協會九龍西服務處及音樂堂慈善基金會合辦

  香港回歸20周年嘅「大日子」就要嚟啦,尋日鄭晴就參加咗一場幾有趣嘅活動,有團體組織教一班基層家庭嘅小朋友「扮靚」,希望佢哋以嶄新嘅面貌,共享回歸嘅喜悅。

  呢個活動叫做「音樂無界限音樂義教計劃2017」,由香港菁英會、新家園協會九龍西服務處及音樂堂慈善基金會聯合主辦,頭個活動就係兒童藝術化妝及禮儀班,義教一班新移民嘅基層小朋友學習化妝同埋禮儀技巧,實現佢哋嘅願望。活動最尾,又向呢班小朋友派發開學福袋。

  香港菁英會主席盧金榮話,就算生活習慣有啲唔同,可藉音樂交流。佢話,菁英會再次舉辦呢個計劃,就係為咗宣揚並推廣這一種「唔分你我」嘅平等關係,給予唔同階層人士認識同埋關心基層學童嘅機會。

  音樂堂慈善基金會高松傑仲話,希望呢次活動可以幫助啲基層家庭嘅小朋友,唔單單係教佢哋「扮靚」,而係幫佢哋樹立自信。佢仲透露,之後基金會會於其他地區推出色士風、結他、樂理、唱歌等課程,希望有更多嘅基層小朋友受惠。

最新要聞

最新要聞

最受歡迎