大公產品

首頁 > 港聞 > 正文

吉祥物「曬冷」賀大嘥鬼生日

時間:2017-06-12 03:15:19來源:大公網

  「恭祝你福壽與天齊,慶賀你生辰快樂……」集萬千寵愛於一身嘅大嘥鬼四歲喇!2013年6月11日出世嘅佢,尋日喺九龍灣零碳天地「零碳FUN墟」搞咗個生日會。各方嘅環保吉祥物當然應邀前來,唱歌兼跳舞。八星前來報喜之際,又考嚇你認得出幾多隻呢!

  逐隻開估啦!由右邊數起,第一隻係「香港綠色建築周」吉祥物「綠築仔」,最易記認係頭無戴帽,凸出條草仔;第二隻係中電「力力」,網民唔好再亂叫佢做「IT狗」啦。之後嗰兩隻就分別係中華煤氣嘅「小火子」,以及食物環境衛生署「清潔龍阿德」。

  身為主角企中間,但大家又分唔分得清,邊隻先係大嘥鬼?畀提示你喇,大嘥鬼特徵係眼闊肚窄兼盞鬼,肚上有個「電源開關掣」係環境局「慳神」。大嘥鬼再隔籬嘅係水務署嘅「滴惜仔」,另外兩隻係惜食堂「Food Angel」,同埋港燈綠得開心大使「綠寶」。

  但恕鄭晴難以祝大嘥鬼「年年都有今日」喇,希望大嘥鬼你下年過生日嘅時候呢,香港已變得更綠色、更環保仲好!

最新要聞

最新要聞

最受歡迎