大公產品

首頁 > 文章 > 正文

香港/法國工作假期計劃名額增加至七百個

時間:2017-05-23 15:58:45來源:大公網

  勞工處為工作假期計劃特設網頁(www.whs.gov.hk)

  大公網5月23日訊(記者龔學鳴)唔少年輕人都想一嚐參加工作假期(Working holiday)計劃嘅滋味,而政府今日就為打算申請法國工作假期簽證嘅朋友帶嚟好消息。勞工處宣布,特區政府同法國政府達成協議,由今年7月1日起進一步將香港/法國工作假期計劃嘅年度名額,從500個擴展至750個,今次係計劃第三次增加年度名額。

  勞工及福利局局長蕭偉強話,香港/法國工作假期計劃受青年歡迎,特別係法國嘅申請者反應踴躍,令人鼓舞。佢又話,今次名額增加會提供更多機會俾兩地青年透過計劃豐富其外地體驗,增廣見聞。

  唔講唔知,自2001年起,特區政府已經同11個經濟體系建立雙邊工作假期計劃安排,包括澳洲、德國、日本、加拿大、英國等,參與計劃嘅香港青年人超過7萬8千人。其中,香港/法國工作假期計劃響2013年7月成立。 

最新要聞

最新要聞

最受歡迎