圖：「感謝義工活動」主禮嘉賓與逾三百名義工大合照
正所謂器官捐贈，遺愛人間，但政府嘅「中央器官捐贈登記名冊」過去一年新登記嘅都只係錄得五萬人，暫時只有25萬人登記，只係佔總人口700幾萬嘅一小部分。鄭晴呼籲，咁多位善長人翁，記得快啲登記喇！
雖然「名冊」參與人數未算多，但睇番上年個增長幅度，其實都唔錯㗎。其中，多得一班義工由舊年七月起，推廣「嘟一下．愛廣傳」支持器官捐贈活動，去到公立醫院、診所，同埋各機構巡迴設立超過200個器官捐贈推廣攤位，成功鼓勵超過4.6萬名醫管局員工、醫院訪客等人士登記。
為嘉許佢哋嘅貢獻，迪士尼尋日邀請咗300幾位義工入園玩番日。食物及衛生局局長高永文出席時當然同聲同氣呼籲，期望趁近期社會提升對器官捐贈嘅關注，有助推廣計劃啦！
