大公網4月27日訊（記者龔學鳴）外交部駐港特派員公署開通facebook後，經常同網民積極互動。前排公署係專頁講述咗一件有驚無險嘅事，原來復活節假期嗰陣，公署有同事到泰國曼谷旅遊，係潑水節上碰到一位同家人走散嘅香港細路女，好彩同事學過粵語，可以溝通，細路女都好聰明，記得媽媽嘅電話。最後嗰位同事用whatsapp通知細路女嘅媽媽，叫佢到廣播站接返嗰女。
公署又順便向網友呼籲，外遊時記得注意安全，照顧好同行小孩，如有困難，可立即向中國駐當地使館或領事館求助，撥打中國外交部領保熱線：+861012308，唔少網民都稱讚呢件好人好事。
