圖：姚思榮都推介大家去恩平浸溫泉
財政司司長陳茂波前排推薦港人去恩平住一晚浸下溫泉，唔使去到日本咁遠，引起坊間熱議。旅遊界立法會議員姚思榮（姚總）就話，自己未去過恩平浸溫泉，但都知嗰度溫泉係出名嘅，唔係咩新鮮事，業界都有搞旅行團，唔少市民都選擇去當地度假。咁浸溫泉嚟講，恩平和日本邊個好啲呢？姚總同鄭晴講，唔好將恩平同日本比較，恩平賣點係價錢平同地方大，當地溫泉酒店嘅硬件配套可以，管理方面當然同世界水平有差距喇，不過總括嚟講，恩平都係港人浸溫泉嘅一個好選擇。
