上星期五、六係立法會發展事務委員會返內地東江考察團嘅日子，考察團前晚結束，不過反對派又有嘢唔滿意，不過今次唔係對個團嘅安排，而係對團友何君堯（Junius）不滿喎。
前晚Junius喺網上直播同大家分享返事件嘅原由。事緣Junius一早已經申請咗只係隨團跟第一日嘅行程，第二日離隊做私人工作然後歸隊，不過到送代表團走，反對派嘅議員突然鬧爆佢離團。Junius話明明送大家走時仲係「嘻嘻哈哈」，但反對派擰轉面就插人，形容呢種行為好唔成熟。
Junius唔明反對派點解要聲言譴責佢，呼籲佢地搞清楚：「我哋係嚟考察，唔係嚟插我背吖係咪先？」。Junius話，大家其實都係辦事，應做好工作，唔需要喺呢啲地方做人文章。
