搶包山比賽選拔賽尋日喺長洲舉行，選出12強（9男3女）進入下月三日晚舉行嘅決賽。康文署今年首度加入複賽，首次參賽的鄭世傑獲男子最佳成績，時間為33秒13，女子最佳成績則是胡穎瑜，時間為47秒22。上屆包山王葉建文及四屆包山后黃嘉欣，均未能以首名晉身決賽，但分別以42秒84及48秒1晉級。
24歲任職保險業的嘅鄭世傑，本身有攀石經驗，今年係佢首次參加搶包山比賽，並同女友梁家琪一齊參賽。對於首名入決賽，佢感到受寵若驚，又稱「初頭諗住陪跑」，無刻意爭勝。梁家琪則以約1分12秒晉級，與男友一同入圍，佢話，「意想不到」，亦好滿意今次表現。梁家琪亦係上屆嘅選拔賽女子組第三名，胡穎瑜則係第二名。
12名晉身決賽嘅健兒，包括六屆男子組冠軍郭嘉明，佢以第七名晉級。上屆選拔賽，男子組郭嘉明以8秒86首名出線，女子組則黃嘉欣以12秒49首名出線。
今年有179名健兒報名參加「搶包山」，最終有80名健兒參加選拔賽，年齡介乎18歲至69歲，共有57男23女。24人成功入複賽，包括18男6女，最後有12人打入決賽。
