大公網4月4日訊（記者龔學鳴）新年食年糕，端午節食糉，咁清明節應該食咩呢?工聯會理事長吳秋北今日就係facebook上載短片，教整福建地道小食，就係「潤餅」，係一個清明節嘅應節食品。到底有咩材料呢? 就係有紅蘿蔔、高麗菜、肉絲、豆乾、麻棗、海苔，同埋花生碎。首先就係將所有蔬菜切絲，然後逐樣炒。炒曬之後，就要用春卷皮包住。包之前，先放麻棗，然後壓碎，大約落一湯匙嘅海苔，再落適量花生碎。最後就曬已經切絲嘅蔬菜，包埋一齊，咁就大功告成。係咪好易呢? 睇見都覺得肚餓呀！
