圖：莫嘉傑（前排左二）與近20名網民遞交請願信促撤曾健超社工資格\大公報記者湯淩琰攝
前公民黨成員曾健超因喺非法「佔中」期間，蓄意向警員淋潑液體兼拒捕而被判囚五星期，雖然判決大快人心，但不少市民仍然質疑，曾健超之流的激進分子，有無資格繼續做註冊社工。人稱「正義哥」嘅城大專業進修學院學生莫嘉傑（Ivan）都有同樣想法，尋日佢仲聯同近20名市民，去筲箕灣社會工作者註冊局請願，要求社會工作者註冊局就曾健超違紀問題展開紀律聆訊，根據《社會工作者註冊條例》，DQ曾健超嘅社工資格。
Ivan話，根據《社工註冊條例》，如果註冊社工喺香港或其他地方被裁定觸犯任何可判處監禁的罪行，就已經屬於作出違紀行為，而曾健超嗰日蓄意挑釁，同襲擊正常執行職務的警務人員等行為，明顯嚴重破壞咗香港社工專業嘅聲譽。
市民促律政司上訴增刑
所以佢用咗十日時間，係網上收集超過3600份聯署，要求律政司對曾健超提出上訴增刑、起訴佢喺「公眾地方內擾亂秩序行為罪」同「非法集結罪」等，當中仲有3522人提出訴求，希望「社工註冊局永遠註銷曾健超社工資格」！Ivan尋日已經將聯署請願信一併交咗畀社工註冊局。
