圖：阿彪指囡囡今年七歲已經學咗粵劇三年
唔少家長都鍾意畀小朋友學嚇課堂以外嘅體藝活動，好似各種中西樂器、運動等等，而工聯會區議員兼勞顧會勞方代表鄧家彪（阿彪）嘅囡囡小玲瓏，就學粵劇！
話說前晚民建聯立法會議員劉國勳（Edward）喺香港傳統技藝拓展協會成立一周年嘅頒獎典體，巧遇喺台上表演拾釵同游龍戲鳳嘅小玲瓏，將表演嘅精彩畫面用相機拍低同大家分享，又讚小玲瓏毫不怯場，相信佢假以時日應可成為粵劇新星，將中國傳統文化繼續傳承落去。
阿彪就同鄭晴講，囡囡今年七歲，已經學咗粵劇三年，當初係囡囡睇電視見到粵劇覺得好有興趣，追問阿彪係咩嚟，所以先畀佢去學嚇。小玲瓏而家仲成日跟爸爸四圍表演，早排先去將軍澳為老人家表演嚟。功多藝熟，唔怪得表現咁淡定啦！
