圖：林鄭月娥尋日走訪港九新界，所到之處都被市民要求合照
大公報記者何嘉駿攝
林鄭月娥前日在行政長官選舉中高票大勝，將成為香港首位女特首。尋日馬不停蹄落區見市民，林太「背後嘅女人」令人眼前一亮。呢位Madam大有來頭，佢叫葉君幼，綽號「阿油」，加入警隊前係全職運動員，曾在亞洲錦標賽中奪得三項鐵人亞軍，2011年加入警隊負責巡邏和報案室工作，2013年4月成為機場特警（ASU），係當時唯一嘅女機場特警。鄭晴當年曾經訪問過佢，覺得佢非常硬淨同自信，佢更講明與男同事係「平起平坐」，名副其實係一名「鐵娘子」，難怪配得上「好打得」嘅林太！
據悉，警隊暫時只有「阿油」一位Madam保護林太，G4總共幾多位女警就涉及保安機密不方便公開。不過鄭晴問過警隊朋友，作為特首嘅近身，男女要求係一視同仁，除咗體能要求非常嚴格，亦要夠細心、警覺性高、一眼關七、語言能力好，仲話平時佢哋操得好fit，要佢哋日日一身西裝，其實都幾辛苦咁話。
