圖：「處女星號」新航線帶大家到訪馬尼拉、高雄等地方
冬去春來，意味又踏入陽光與海灘嘅季節。家下香港潮濕又大霧，想同陽光玩遊戲？其實真係唔難。坐郵輪由香港出發去南中國海，由船上面嘅游泳池，玩到菲律賓、台灣嘅海灘，夠曬新鮮。
麗星郵輪「處女星號」由即日起至五月底，展開全新「南中國海瑰寶之旅」三母港航線。六日五夜嘅旅程將由香港出發，到訪菲律賓馬尼拉、北依洛戈省首府佬沃，同埋台灣南部最大嘅港口城市高雄。郵輪上嘅娛樂唔多講啦，淨係坐船到是但一個地方，上岸嘆美食，感受當地嘅文化傳統、陽光與海灘，已經夠曬輕鬆寫意。
坐郵輪出去玩，除咗唔使安排交通之外，最大嘅優點當然係唔使擔心行李限制。瘋狂購物都唔怕超重！仲諗咁多？快快手落旅行社問下仲有冇位啦！
