圖：馬逢國落力「集郵」，同第四度勇奪「星中之星」大獎「牛下女車神」李慧詩合照
被譽為「體壇奧斯卡」嘅香港傑出運動員選舉前日喺灣仔會展舉行頒獎禮，出席嘅立法會體育、演藝、文化及出版界議員馬逢國唔單止落力頒獎，仲大玩「集郵」，然後放喺Facebook畀大家睇。鄭晴就見到馬逢國有同第四度勇奪「星中之星」大獎、去年世界杯連奪金銀銅嘅「牛下女車神」李慧詩合照，仲有新鮮出爐嘅桌球世界冠軍、「四眼cue后」吳安儀、殘奧金牌得主梁育榮等人。馬逢國就恭賀他們獲得殊榮，希望來年本地運動繼往開來，繼續為香港喺國際舞台爭光。
