圖：啦啦隊展示地區特色和活力
嚟啦嚟啦，慶祝香港回歸祖國20周年之一嘅盛事「第六屆港運會」，將會喺下月23日至5月28日舉行。18支嚟自全港各區嘅啦啦隊，尋日就率先雲集喺伊利沙伯體育館，施展渾身解數，以別出心裁嘅口號同動作，為健兒打氣壯行色！
唔好睇小佢哋呀，參加嘅隊伍男女老嫩皆以特別嘅扮相，需要喺分半鐘至兩分半鐘以內，展示各種舞步、動作及口號，充滿地區特色、活力同驚喜！有參賽嘅小朋友仲打扮成菊花，宣傳「T．PARK」源區，兼提倡「轉廢為能」。
環保愛護地球，人人有責，環保署今日將會公布都市固體廢物收費詳情，大家都係時候為環保出一分力，以免荷包大出血喇！
