大公網3月7日訊（記者龔學鳴）係立法會將「甩轆」當做家常便飯嘅本土派議員劉小麗，6日晚因通州街天橋底大火到現場訪問露宿者，仲用facebook直播，立即被網民及本土派批評無常識，不應隨便上載露宿者嘅容貌，真係唔知佢去幫手定係倒米。
劉小麗係facebook嘅直播視頻，清晰影到兩名因大火損失家當嘅露宿者面貌，一人坐係地下，一人倒卧，均無同一旁直播嘅劉小麗有任何交流。有網民就「溫馨提示」話：「每個露宿者背後都有佢既故事，樣貌公開左可能會不利於他/她們呢」。都有網民諷刺劉「又走去抽水」，「不停講唔知可以點做，無建設性」。
劉小麗後來就在facebook解釋：「小麗已問準（准）了受影響街友接受訪問。」但一眾網民就唔收貨咯。
