圖：誰是星星局長？（答案：最後排左面「四眼仔」） 黃錦星fb圖
下雨天總掛念從前，環境局局長黃錦星日前出席建築師學會新春團拜時，撞番以前啲師兄妹，不單止勾起自己當年做「兄弟」嘅回憶，佢仲將當年舊照放上facebook，暢談起咁多年嚟嘅香港天氣變化！
星星局長在facebook留言話，香港1990年代時尚算四季分明，當年節能綠色建築在萌芽，自己亦參與其中。時至今日，全球面對氣候變遷，節能綠建設計除咗係新建及翻新樓宇基本盤，佢亦認為氣候行動亦須軟硬兼施，呼籲大家日常實行低碳生活，慳電減廢。
籲投身綠色生活行列
這個冬天不太冷，其實就係氣候變化嘅最佳證明。大家唔想香港將來無冬天嘅話，應盡快投身綠色生活行列。好啦，到底相中「誰是星星局長？」鄭晴至多醒你少少貼士啦：有頭髮、最靚仔嗰位。
其實，人生有幾多個十年？一個十年又有幾多改變？尋日的毛毛細雨，令鄭晴諗番起以往嘅童年回憶，無論係劉德華嘅「冷冷的冰雨在臉上胡亂的拍」，抑或係張學友嘅「冷冷雨Wo...沒焦點因找不到你」。當年嘅歌詞，今日依然扣人心弦。但願香港日後不會失去冬天。
