自上個禮拜美食車正式登場後，商務及經濟發展局局長蘇錦樑（Greg）化身代言人，不時喺社交媒體拍片推介各款美食車美食。尋日佢前往黃大仙廣場，非常流利咁介紹兩架美食車的招牌菜式「五色餃子」，同「神級燒魷魚」，又充當主持人採訪兩架美食車檔主！不過，鄭晴覺得Greg最犀利都係一條五分鐘嘅片，係一Take過完成，絕對唔遜色於專業主持人添啦。
