工業界立法會議員吳永嘉。
大公網2月2日訊（記者 龔學鳴）新春佳節，工業界立法會議員吳永嘉（Jimmy）舉行新春團拜，同傳媒一齊共晉午餐。熱愛打羽毛球嘅Jimmy，趁之前幾日農曆新年假期忙裡偷閒，約咗朋友打波，相當滿足。佢仲透露，自己早於80年代，已經有同前香港羽毛球隊成員陳念慈切磋過球技添。
原來Jimmy唔單止球技了得，求學時期仲「彈得唱得」。Jimmy話，自己自小已經學鋼琴，11歲響香港大會堂參加鋼琴獨奏比賽贏到冠軍。升上香港大學之後，Jimmy參加咗校內一個歌唱比賽，仲獲得當時擔任評判嘅寶麗金唱片公司高層邀請去試音添。
其實，經民聯主席盧偉國一樣識得演奏樂器，曾經響立法會議員記者同樂日表演吹色士風，又大展歌喉。Jimmy可以考慮下搵埋盧偉國一齊夾嚇歌喎。
