雞年將至，鄭晴預祝各位朋友身體健康，事事順利。講起雞年，就好容易會諗起風水命理、犯太歲之類，咁立法會議員有無邊位生肖屬雞呢？原來劉國勳、羅冠聰都係屬雞。劉國勳就話，安太歲，又稱攝太歲，即係當太歲行到某個生肖位置嗰陣，就會對相應或相對的生肖相沖。新一年，有唔少朋友都會去拜太歲祈福問安。
如果係北區居民，拜太歲有咩選擇呢？身為北區區議員嘅阿勳，就推介咗粉嶺蓬瀛仙館、北帝廟。佢仲話，大家新年嗰陣去拜太歲，感受新正頭濃厚氣氛之餘，亦可以了解中國傳統。對於屬雞之餘又想了解傳統習俗嘅朋友，不妨聽下阿勳嘅建議啦！
