鄭晴近日喺WhatsApp組群收到一條「香港史上最冷春節」嘅信息，話年初二至初四本港最低溫度得-5℃，仲會落雪添！唔係啩！之不過經歷過舊年嘅極端天氣，鄭晴不由得半信半疑。
不過，天文台台長岑智明呢次就喺Facebook發功「溶雪」，話呢條係虛假信息，懇請大家唔要繼續謠傳。講番條「香港史上最冷春節」信息，內容話香港年初一有中到大雨，氣溫有13至15℃；初二氣溫直降至-1℃；初四-5℃最凍，仲會落雪；又話香港即將迎來最凍嘅春節，呼籲大家準備禦寒衣物。
天文台就針對呢條虛假信息，發出「謠言又來了，智者請小心！」嘅天氣隨筆，話呢條信息唔係來自天文台，佢哋就唔會發出兩星期後逐日嘅天氣預測，又話以現時嘅科學水平，準確預測未來十幾日，甚至廿幾日詳細嘅天氣情況，仍然係一大挑戰，亦無跡象表明香港在春節會出現信息中所描述嘅天氣情況。
鄭晴
