Starry(圖左)、Holden(圖中)同Vincent(圖右)一齊去咗印度駐港總領事館開會！
印度政府上年11月突然宣布用奇招打貪，將佢地最大面額嘅500盧比同1000盧比鈔票作廢，喺50日內回收兩種鈔票，過咗期限都未回收嘅鈔票將會作廢。
民建聯主席李慧琼（Starry）尋日就話，有印度朋友問佢地，唔知點樣可以將佢地嘅鈔票回收。所以Starry就安排同印度駐港總領事館開會討論，民建聯副主席周浩鼎（Holden）同民建聯少數族裔委員會主席鄭泳舜（Vincent）都有一齊開會。
Holden話，對於本地印度居民嘅擔憂，領事館方面同佢地講，類似嘅情況喺好多地方都有發生，例如新加坡同其他南亞國家。印度政府已經考慮緊，就點樣解決呢類問題寫報告，目前要等報告推出先知道可以點樣解決，本身仍然有呢啲鈔票嘅印度國民需要暫時等等。
Vincent就話，自己作為少數族裔委員會嘅主席，經常收到呢個問題嘅查詢。佢話開會時領事館方面反應正面，對方好了解問題，目前印度朋友都係keep住呢啲鈔票先，唔洗掉住，民建聯會幫大家繼續跟進！
