阿田話小朋友畀面反應唔錯
大公網12月22日訊 （記者 龔學鳴）呢個聖誕大家會做乜？新民黨常務副主席、立法會議員田北辰（阿田）近日就係Facebook上載一條短片，透露自己上 週末係愉景新城嘅聖誕嘉年華中化身「聖誕樹×聖誕麋鹿」，同一班小朋友表演包括紙牌魔術在內嘅四個魔術，仲話自己係「鹿不停蹄」。
片中嘅阿田頭戴鹿角，一身綠色嘅聖誕樹服，雖然造型有啲奇特，但都算應景。阿田近年幾乎年年聖誕都會係嘉年華活動中表演魔術，但今次就似乎發揮得 麻麻了，表演完之後都自爆漏咗一個步驟，不過好在都成功演出。對於呢滴「蝦碌」位，阿田不以為意，仲話有觀眾就係鍾意呢啲「蝦碌」位，同埋小朋友都好俾 面，反應非常唔錯，先至無負佢「新西米高高柏飛」之名咁話啊。
