大公產品

首頁 > 文章 > 正文

劉小麗又「甩轆」

時間:2016-11-21 21:02:04來源:大公網

  大公網11月21日訊(記者 龔學鳴):因為「龜速」宣誓而導致官司纏身嘅立法會議員劉小麗,又再次出醜於人前喇!話說今日立法會政制事務委員會開會,討論兩個議程,分別係《本地報刊註冊條例》嘅收費調整,同埋2017年行政長官事務安排。最近有一啲表明反對行政長官梁振英連任嘅人士選委會參選人被取消資格,劉小麗梗係關心啦,於是即刻舉手提問,要求政府交代原因,但係政制及內地事務局副局長陳岳鵬就話,劉小麗條問題係關於下一個議程,仲未傾到住喎。

  劉小麗知道自己「甩轆」,就托住腮、尷尷尬尬咁笑住話「我留返下次先問啦」。其實劉小麗已經唔係第一次「甩轆」架喇,上任呢兩個幾月嚟,先有大會表決特權法查UGL事件嗰陣唔記得投票,之後又響保安事務委員會錯誤引述政府文件,聲稱政府打算設立禁閉營。希望劉小麗有返啲議員應有嘅質素,唔好再鬧出笑話喇。

  

最新要聞

最新要聞

最受歡迎