圖：公眾到時可以喺禮賓府賞花/資料圖片
機會嚟啦！禮賓府今個星期日，即係27號開放畀公眾參觀，參觀時間由上午10點去到下午五點。到底有咩睇呢？禮賓府本身係法定古蹟，平時特首舉行官式活動或者接待賓客嘅地方，公眾都可以入去參觀。除此之外，公眾亦可以喺禮賓府嘅花園賞花。如果唔知道係咩花，公眾係可以用手機掃一掃，配合相關嘅程式，就可以睇到花嘅資料，亦可知道禮賓府嘅資料呢！鄭晴上次去禮賓府做特首專訪嘅時候都特登介紹特首親自打理嘅花圃，而且每次開放日特首都會現身與民同樂，大家到時要多啲留意下啦！
禮賓府上次開放就係今年3月13號，當日參觀人數接近8000人。由於估計參觀人數比較多，下午五點就會截止輪候。想去參觀嘅市民，就要由上亞厘畢道嘅東閘進入，遊覽完畢後經正門離開，全程都係單向通行。
