圖：聖約翰救傷隊會操向馬正興致意/大公報記者楊州攝
聖約翰救傷隊尋日為咗總監馬正興榮休搞場會操，馬正興檢閱咗港島總區、九龍總區、新界總區等17支小隊。
馬正興致辭時指，服務聖約翰救傷隊差唔多40年，致力推動救傷隊服務，早喺2008年推動及拓展內地培訓計劃，亦喺2012年統一咗港九新三區24小時call救護車服務電話。
佢又對候任總監潘新標表示支持，相信救傷隊繼續成為市民心目中值得信賴嘅救護機構。
