搬運工人以口罩充當面具掩其儀容，又要求記者不拍攝其正面。 大公報記者攝
大公網11月18日訊（記者龔學鳴）青年新政早前被裁定喪失議員資格，被下令今日下晝五點前收拾細軟，遷出立法會。記者上立法會十樓睇過，大約三點幾，大隊人馬就由辦公室走曬出嚟，有人揹住大聲公，又有人推手推車將大堆紙箱同一袋袋雜物帶走，有影印機、垃圾桶咁，聽行家講，來來回回都有幾十程手推車咁多嘢。
當記者上十樓嘅時候一出電梯真係當堂嚇咗一跳。幫手搬走電腦櫈搬運工人竟然將手術口罩剪開兩個窿當面罩蒙面，好似一齣日本卡通嘅蒙面主角囉。青政梁、游兩人無親自出馬執包袱走，不過派出咗多名助理同青政成員，好似青政前發言人黃俊傑、一直支持本土派的港大學生會前會長馮敬恩都有現身，又係戴曬口罩，不過都一樣咁易認。其實佢地係咪真係特別鍾意於口罩，定係大家呢排都中招惹到傳染病呢?
