尋日美國總統大選，真係好睇過跑馬，一時就希拉里領先，一時就特朗普反超前。一眾香港嘅立法會議員都好關注結果，開會嘅時候都不忘留意下最新點票情況。議員步出會議室時，同行家嘅話題都離唔開美國總統大選。金融服務界張華峰（肥老闆）就話，雖然特朗普贏咗，香港股市會跌，但長遠嚟講對香港都未必係差。因為對方始終係生意人，佢哋都係要做生意嘛。
另外呢，喺暫停會議期間，民建聯陳克勤就畀行家影到一路玩手機。原來克勤都係睇緊Bloomberg Businessweek嘅美國總統報道，佢仲話本來係估希拉里贏，點知特朗普贏咗。鄭晴就覺得，政治一日都嫌長，何況選舉呢！
