大公網10月16日訊 青年新政游蕙禎近日頻頻曝光，真係鑊鑊新鮮鑊鑊金，見到佢嘅言行都覺得好失禮啦！身為候任立法會議員，一啲都唔注意自己言行舉止，有失斯文，教壞細路，佢facebook就成日發表謬論。唔知係咪因為facebook太「正經」，所以游BB早前專登開咗Instagram戶口，仲叫大家關注一下喎！
大家一睇，真係耳目一新，啲相全部都係游BB私人生活，其中一張更加係曬文華東方酒店嘅餅店打卡，估唔到游BB都咁虛榮、咁港女囉。而且一諗起自己都有份交稅，養呢啲食嘢唔做嘢，一係只係識玩嘢，侮辱香港人嘅「尊貴」議員，就真係好心痛囉！
另外，游BB當年大學二年級嘅時候係《大公報》做過兩個星期實習。話說而家維基百科都仲寫住佢當年係不滿被改稿所以辭職哦，佢仲自曝曾經被彈稿七次。編輯同事好盡職咁搵過曬游BB當年寫嘅稿出來睇，話真係文筆真係唔似中文系學生囉，唔好好咁修改真係好難符合我哋見報嘅標準囉。游BB前幾日係接受傳媒訪問時自曝係「腐女」，愛好係網上創作BL（boy's love，男男愛情）小說。難怪游BB唔啱做報紙啦，新聞唔同寫小說嘛，佢仲有啲咁特別嘅愛好，寫出嚟都見唔到報啦。
