圖片來自葉劉淑儀facebook
大公網10月11日訊(記者文軒)明年喺「七七盧溝橋事變」八十周年，新民黨主席葉劉淑儀喺Facebook話，佢上個禮拜去到北京參觀盧溝橋，覺得喺好好嘅國情教育機會，希望香港嘅學生都可以去睇一睇。
葉太介紹話，盧溝橋喺清朝時期曾經被乾隆皇題字「盧溝曉月」，喺「燕京八景」之一，但去到1937年，喺盧溝橋附近演習嘅日軍藉口話一名士兵失蹤，要求入宛平縣搜查，跟住仲炮轟宛平城，令到抗日戰爭全面爆發。而咁多年過去，盧溝橋嘅東側起咗一座「中國人民抗日戰爭紀念館」，當中記載咗日軍嘅暴行同中國人民如何英勇抗日。葉太仲由此聯想到成個抗日大業，話香港同胞喺抗日大業上有貢獻，包括本土游擊隊「東江縱隊」曾營救多名被日軍搜捕嘅重要人士，值得港人注意。
啱好葉太參觀果日有好多學生去參觀，所以佢覺得喺好好嘅國情教育，認為香港嘅學校都應該安排學生去睇睇，了解呢段祖國同胞艱苦作戰、爭取和平嘅歷史咁話。
