大公網9月30日訊（記者龔學鳴）游蕙禎最近俾記者影到手臂內側有紋身，唔少家長都驚驚地，覺得游議員以後喺立法會騷紋身，小朋友可能會有樣學樣。未正式宣誓做議員就搞到一班家長咁唔妥，唔少游蕙禎嘅支持者就建議佢考慮洗咗個紋身佢，唔好搞到咁大爭議。
換着選舉期間，游蕙禎可能仲會停下建議；不過今時唔同往日，「尊貴嘅」游議員尋日就高調咁回應，話：「唔會因為做議員而去洗紋身」。咁串咀，自然搞到一班網民自然嬲嬲豬啦。唔少人就搵翻游蕙禎選舉期間嘅相，大鬧佢當時出席活動，次次都用縛臂帶遮住自己個紋身。記者都忍唔住要問，如果游議員真係咁威威，咁有本色，當時點解又要遮遮掩掩啊。
其實游蕙禎之前喺大公報度做實習嗰陣都已經係咁，自己做單普通採訪都給採訪主任「彈稿」N次，辭職之後就突然串神上身咁反咬一口。記者就希望佢以後做議員嘅時候，唔好又重蹈哩個覆轍咯。
