曾德成擔任嘉賓，接受曾鈺成的電台訪問。

　　大公網9月14日訊 （記者 李淇）曾鈺成卸去立法會主席一職後開咪做DJ，仲請埋胞弟、前民政事務局局長曾德成做嘉賓。曾德成(14日)就同大家追憶《大公》年華，分享70年代後生時係 《大公報》做記者既日子。佢話，好多時都要流連尖沙咀火車站搵料，而德成亦因為講得一口流利英文，多次被委派去採訪國際事務，例如乒乓外交同鄧小平外訪等 等歷史大事等等，更親身見證住中英關係既變化。

　　曾德成話嗰陣做記者，成日都要去尖沙咀火車站流連，訪問岩岩去完中國的人點睇中美關係、中國時局，當中包括乒乓外交時的美國球員。佢仲提起一則趣 聞，話當年見到有個好出名的美國乒乓球員，不單止留長髮，仲著到成個『嬉皮士』咁，曾德成話：「嗰陣民革過後，人民思想仲好保守，絕對睇不慣佢地一身牛仔 造型、紮腳褲啦；不過周恩來總理竟然不以為然，仲話：『青年人有這樣的裝扮也不出奇，我年輕時亦會奇裝異服、標奇立異。』」真係走在潮流尖啄呀！

　　曾德成又講到，係北京翻查文件，得知78年10月鄧小平出訪日本，當時鄧坐新幹線由東京到京都，見識到外國發展水平，反思「一個人醜怎裝都冇 用」。佢又話，後來覺得鄧小平係處理香港回歸問題時候，已經同時思考緊中國未來的路，認為鄧小平容納香港行資本主義，吸引資本，「一國兩制同佢整個思想吻 合」。