圖：周浩鼎前晚喺屯門元朗向當區選民謝票之後，終於體力不支病倒
民建聯副主席周浩鼎（Holden）自參選立法會以來，馬不停蹄咁晨操加晚練，落區跑不停。雖然成功當選成為超區立法會議員，但仍然堅持日日做Facebook Live，親身去勻全港各區謝票，並唔好似有人喺Facebook上帖文當謝票㗎！
不過，「鐵人鼎」都有「頂」唔住嘅一日，Holden前晚喺屯門元朗向當區選民謝票之後，終於體力不支病倒，冇辦法出席尋日喺新界東嘅謝票活動。不過，為咗答謝選民，佢團隊「琳鋒鼎李」另一名成員、沙田區議員李世榮就仍然「頂」住，代鼎誠意多謝市民支持。鄭晴見到佢哋團隊咁齊心，都不禁說聲「頂住呀阿鼎！」除咗頂住身體，都要入議會頂住一班「拉布」議員！
