大公產品

首頁 > 文章 > 正文

朱凱廸律師 曾健超黃之鋒都搵佢

時間:2016-09-12 03:15:12來源:大公網

  候任立法會議員朱凱迪稱收到死亡恐嚇,早前到灣仔警察總部報警,鄭晴覺得當日陪同朱凱迪見記者嘅外籍律師好熟口面,仔細睇下,原來佢就係韋智達律師。「土地正義聯盟」六月喺東涌逸東邨搞市集,被指阻礙公眾地方,朱凱迪等人八月獲撤控。之後就係韋智達代表佢哋申請訟費。

  鄭晴再睇返近期涉及反對派代表人物嘅法庭新聞,發現韋智達律師「老是常出現」。

  前公民黨成員曾健超被控襲警嘅案件中,曾的律師團隊中就有韋律師。而學民思潮前召集人黃之鋒2014年11月因被控阻礙公職人員,到九龍城裁判法院應訊,離開時遭兩名男子掟雞蛋,企係黃之鋒隔離嘅韋智達當時仲被「誤中副車」,其外衣及公事包被擲中,控方申請掟蛋的二人需賠償予韋,裁判官批准申請,下令兩人共同分擔120元洗衣費。

  韋智達最出名嘅case應該係2013年代表W小姐爭變性人婚姻權,並獲最終勝訴。早在2003年,韋智達已經成立自己嘅律師行,在此之前,佢喺彭思帝理律師行做顧問。彭思帝理律師行就宣傳該行以協助難民為主,近年備受爭議嘅港珠澳大橋環評官司及外傭爭居權官司都係呢間律師行主理添。

最新要聞

最新要聞

最受歡迎