柯創盛與謝偉俊於中秋晚會上大鬥靚仔。（謝偉俊Facebook圖片)
大公網9月11日訊(記者龔學鳴)「魔鏡魔鏡，九龍東候任立法會議員全男班，邊個最靚仔?」候任九龍東立法會議員謝偉俊(Paul)同柯創盛(柯仔)，兩個準同事日前係竹園邨中秋晚會上面碰頭，唔單止一見如故，仲大玩selfie(自拍)。阿Paul仲張張相放上Facebook，比網民審核下佢同柯仔邊個靚仔啲添!邊個最靚仔就各花入各眼啦!但兩位準議員笑到四萬咁口、樂也融融，相信未來兩人定能於議會合作無間。
之不過，睇落兩個人好似肥左少少喎，唔通選舉完即刻擦餐勁補充體力?唔使估啦，阿Paul係hashtag度已經解釋左，話「#肥係角度問題」，仲學埋Tree根(鍾樹根)名句，「肯肯定」咁話唔係人(肥)嘅問題，只係唔識揸機啫。睇黎兩個人得閒都要搵下特首同財爺教路啦!
