鄭先生購兩房收租
本身住新元朗中心的鄭先生稱，睇中該盤位置靚及交通方便，一早已想買樓投資，明知該盤多人爭難中過六合彩，純粹抱着試下心態，幸運地入兩票抽中9號籌，以即供價約570萬元買入一伙兩房收租，預算借60%按揭。
預計租金水平與YOHO Midtown相若，料月租約1.3至1.4萬，又認為未來樓價平穩。
馬家650萬換新居
剛畢業的馬先生，與雙親一齊揀樓，成功以約650萬元，買入二座內園景單位，為日後與雙親同住的新居，首期到供樓由父母一手包辦，預計每月供款約兩萬多元。
危生大呼好貴也入市
危先生睇中該盤會所夠大、環境及配套又好，以640萬元買入二座一伙兩房，不過，當被問到售價是否吸引，危卻大呼「好貴呀」。
