圖：4月21日是「全港戲院日」，尖沙咀一家影院上座率高。\香港中通社
居住銅鑼灣廿年的資深戲迷盧小姐表示自小喜歡看電影，看到一間接一間結業，甚是感慨。她說：「最懷念以前戲院外有很多小販檔，賣蔗、煨魷魚。入場時，戲院內有紅色布幔，經常滿座的場面，熱熱鬧鬧。現在的戲院普遍分割成迷你影院，氣氛跟從前不同了。有些迷你戲院的熒幕就像『大電視』，我會繼續入戲院看電影，但很多人已覺得不用付款去看『大電視』。時代就是在轉變，不捨也沒辦法。」
於新蒲崗居住的鍾先生指嘉禾啟德戲院平常也甚少客流，大多是住在附近的居民「幫襯」。他說：「間戲院又細，音響座位唔係特別好，唯一好處係易買飛，加上近我屋企。有得揀，都會去新的戲院，在商場食飯睇戲一條龍。」
灣仔居住的王先生表示比以前少入戲院了，除非是好吸引的大片。他說：「普通電影唔使第一輪去睇，等多陣可能網上都有，我寧願喺Netflix睇舊戲。如果係大製作，有特效，或者好評到唔想等，我就會入場睇戲。講到尾，入唔入場都係睇部戲吸唔吸引。當然，票價平啲更好。」
