不少醫療集團透過在屋邨派傳單入信箱，或以電話問卷形式「勾客」，若市民有意光顧，須先致電預約。有幾乎被騙的市民向大公報記者表示，曾致電預約服務，惟抵達後發現「唔對路」而爽約，其後遭人多番電話騷擾。

幾百蚊體檢 引市民「落疊」

　　「佢哋啲單張一般只列明好平好平嘅bodycheck（體檢）收費，同一個預約電話，令人睇落覺得好吸引，打電話去預約，咁就成功勾客。」待業的陳先生居住青衣邨，每隔數月便收到超低價身體檢查宣傳單張，「見過最平298蚊全身檢查，亦有398蚊及498蚊之類等。」

　　陳先生患有高血壓、高血脂及高血糖，對健康檢查特別關注，「體檢最平都2000蚊，私家醫院3000至4000蚊，幾百蚊真係吸引。」他曾按單張致電預約，按地址前往旺角一幢商廈，但抵達後發現「門面無招牌，驟眼看好簡陋，有啲古靈精怪人士出出入入，唔似醫護人員。」他擔心被騙，於是爽約，但其後遭電話滋擾，他最終更改電話號碼，暫時解決事件。

　　大公報記者昨到旺角及佐敦區觀察，有市民說曾收過醫療集團的推銷來電，對方先以做問卷為名，其後細問事主身體狀況，再推銷平價服務。「我點會畀呢啲釣魚電話呃到，邊有幾百蚊bodycheck。」

大公報記者方學明