圖：靜儀立即北上探望在深圳的親人\大公報記者方學明攝

　　「我份工根本唔容許14日強制檢疫」

　　「我60幾歲公公、婆婆住喺深圳，佢哋有胃病，（新冠肺炎）疫情前，主要靠我每個月大約兩次去深圳探望兩老，攞藥畀佢哋，但而家去唔到深圳，佢哋啲藥食曬，我好擔心佢哋健康。」21歲的靜儀心急如焚，坦言恨不得馬上通關，讓她立即北上探望在深圳的親人。

　　就政府昨日公布11月放寬內地港人抵港強制隔離安排，靜儀認為是好開始，但她更希望香港疫情早日受控，讓她北上深圳也不用接受強制隔離，「如果放寬埋港人北上限制就最好。」

　　在金鐘上班、任文職人員的靜儀，自小由公公婆婆湊大，和他們關係最好，兩老過往不時申請簽證來港，逗留一個月，而她一有時間就北上探望兩老，順便消遣，「我住粉嶺，去深圳好方便，每去一次（深圳），除咗探望公公婆婆，亦會喺深圳消費，例如同朋友唱K、食飯等。」

　　她稱深圳消費較香港便宜，種類也較多，舉例唱卡拉OK，在深圳消磨一個下午，人均消費只約50元人民幣，在香港則起碼300元。她坦言，過往放假寧願去深圳也不願留港。

　　但疫情肆虐，她已有超過九個月沒踏足深圳，雖曾考慮為了北上，接受14天強制檢疫，但為了工作，最終打消念頭，「我份工根本唔容許，為咗去深圳，攞最少14日，甚至28日假期，唔合乎邏輯。如果為北上等於要辭工，我做唔到。」

　　靜儀說，最擔心公公婆婆的健康，他們患高血壓及糖尿病，並需服食胃藥治療胃病，但胃藥已經吃光，「我好驚佢哋有事，佢哋食嘅胃藥，係我每次喺香港預先買下，再逐啲逐啲北上攞畀佢哋。而家攞唔到藥上去，好擔心。」

　　靜儀與父母及兩個妹妹一家五口同住，為帶藥到深圳一事，曾經召開多次家庭會議，始終沒有結論，「爸爸、媽媽同我要返工，妹妹年紀細，唔放心佢（妹妹）一個人喺深圳接受隔離。」說時，靜儀眼泛淚光，只望早日全面通關。