圖：抽血員阿梅說，若然病人有何「差池」，罷工醫護就係兇手
「我覺得有冇搞錯，我哋做得醫護，使命就係救人，但啲人罷工，我睇到好多病房病人呢幾日身體狀況突然變差，你哋話唔關罷工事，希望你哋拿出你們嘅良心來，唔好再講涼薄說話。」在公立醫院任職抽血員的阿梅哽咽說，她痛斥參與罷工的醫護，不分是非黑白、置病人於不顧的是他們這班罷工醫護人員。
阿梅任職的公立醫院是罷工「重災區」，多間病房因沒有足夠護士當更，被迫合而為一；而他任職的抽血員工種，20多人中，八人向上司高調說明罷工，四人臨時請病假，令幾乎每更只有一至兩名員工上班。「梗係辛苦，例如星期四嗰日，我一個人走14間病房，幫70幾個病人抽血，當中包括去負壓病房同深切治療病房。」
阿梅無奈感嘆目睹病人病情變差，然而人手不足，即使她馬上通知醫護人員，也並非第一時間處理。「我只可以做抽血，見病人忽然嘔肚，黃疸水、食物全部嘔出，個樣好辛苦，我即刻叫醫護，但唔係第一時間有人嚟到。」阿梅形容當刻無助，亦痛恨罷工的醫護，若然病人有何「差池」，罷工醫護就係兇手。「我哋做得醫院就係救人，我睇唔到政治事件和醫療有任何關係。」
