圖：何啟明扮「懷胎十月」大肚婆唱歌訴苦水\視頻截圖

　　紅遍網絡的洗腦歌曲《野狼Disco》不斷被網民翻唱，向來喜歡扮鬼扮馬的工聯會立法會議員何啟明又點會放過？他昨日在社交網站上載MV《啟明Disco》，歌詞緊貼時事，提到公務員加人工、十四周有薪產假、打工仔保飯碗等等，輕鬆幽默之餘，又代表基層打工仔女一吐對立會泛暴派的不滿。

　　歌詞到肉　笑中帶淚

　　啟明在MV中除了本色出演，還分飾多角。一開始穿背心、戴安全帽扮地盤工人，打電話去何啟明議員辦事處話自己「無嘢做」，批評立法會低效，「做唔到嘢就執咗佢喇」。

　　之後啟明又化身大肚婆，摸着「懷胎十月」的大肚唱歌訴苦水：「肚裏嘅B，就快要出世㗎喇，得嗰十個禮拜點夠我減肥啊？十四周嘅產假，究竟幾時有㗎？返工對住老闆，係好慘㗎。」之後再扮剛失業的辦公室職員，表示市道不好，家中有老又有嫩，「失業援助基金，快啲派畀我啦」。

　　鄭晴同不少網民一樣，睇完啟明七情上面的表演同搞笑歌詞，都笑到噴飯，但歡樂過後，卻為暴亂七月及泛暴派不斷在議會「拉布」之下，基層打工仔的慘淡現狀心酸，真可謂「笑中帶淚」。大家如果有興趣，不妨去睇下啟明的精彩演出。

《啟明Disco》MV網址：

https://fbwat.ch/1bioSgThwGAhZV5z