警長遭割頸險死 妻痛心「香港點解變成咁？」

　　圖：被暴徒割頸的警長Alex，經過多次手術後，右邊傷痕目前用紗布包紮，據知他的聲帶已沒可能百分百復原

　　「班暴徒好兇殘，佢哋每次行動好似要攞你命一樣。我覺得佢哋失去常性，被人利用，好似冇咗靈魂一樣。」警長Alex（化名）說。今年10月13日Alex奉召到觀塘港鐵站執勤，遭冷血暴徒用鎅刀割頸，他在鬼門關前走了一轉，檢回性命，卻永久失去了原有的聲線。暴亂半年以來，前線警察連踩30多小時「不眠不休」已變成日常，箇中辛酸苦澀只有自己知，「大家香港人，唔明點解有啲人變得咁極端，下下要置警員於死地？」Alex接受《大公報》專訪時痛心地說。

　[大公報記者]　\方學明（文、圖）

　　持續半年多的暴亂，已有超過500名警員受傷，Alex是重傷者之一。他的右頸靜脈與迷走神經被割斷，「好彩冇割中頸動脈，如果割中，我應該已經唔喺度。」他用嘶啞而微弱的聲音，慢慢的逐個字說，剛吐出幾個字，馬上咳嗽。

　　經過兩個多月治療，Alex性命保住，行動亦回復自如，做了多次手術，頸上留下一道四厘米長的「暴亂傷痕」，靜脈與迷走神經雖然成功駁回，但因曾經斷裂，即使復原，也不可能回復昔日的聲線，「醫生話好睇條神經線點生長，但肯定唔會百分百好返。我唯一希望係能夠正常說話，唔使咁辛苦。」太太阿May坐在旁邊，聽到丈夫的說話，一臉擔憂。

　　入職警隊超過20年，Alex說從沒有想過香港竟然會發生暴亂，「由初級警員做起，我接受過兩次機動部隊防暴訓練，每次訓練（我）都諗，香港唔會發生暴亂，但原來真係會發生，而且班暴徒好兇殘，佢哋每次行動好似要攞你命一樣。」

　　暴徒似喪屍 狂掟硬物雨傘

　　過去半年，Alex被編派到不同的「火線」執勤，每一次與暴徒近距離接觸，他都感到生命受嚴重威脅。「佢哋（暴徒）同我以前認識嘅香港人好唔同，以前大家有商有量，好有禮貌，唔會郁手郁腳；但而家呢班人，一見面就起哄、掟硬物，不斷攻擊。」

　　「我覺得佢哋（暴徒）好陌生，點解啲人嘅思想，會忽然有180度嘅改變？」Alex質問，若不是暴徒「先動手」，警員是不會採取任何行動，然而，一班被煽動了的暴徒在現場挑起事端。

　　警員在前線止暴制亂，可謂幕幕驚心！Alex最印象深刻的一次執勤「驚」歷，竟然不是被割頸，而是在九龍灣港鐵站應付有如「屍殺列車」的恐怖場面，「暴徒像喪屍般，兇殘地襲擊警員」。那時是八月，當天他駐守在已關閉的九龍灣港鐵站內，車站大閘已關，但大約30名暴徒在閘外不停叫囂、挑釁，不停用雨傘及硬物擲向警員，擾攘足足四個多小時，「我同佢哋無仇無怨，我唔明佢哋點解要襲擊我。我只係覺得佢哋失去常性，畀人利用，同好似冇咗靈魂一樣。」

　　阿May邊聽邊點頭，她說，有一次目睹一名大約10歲的小孩，看到警員「被咬斷手指」視頻時，竟然歡呼喝彩，大叫「死黑警」，那一刻，她又驚慌又無力，慨嘆「點解香港變成咁？」她希望政府正視及糾正問題，「否則警員每次執勤只會更加危險」。

　　逾30小時不眠不休執勤

　　警員需長時間執勤，變成警隊在這半年來的日常。Alex也不例外，他曾經30多個小時「不眠不休」執勤，回家休息五個多小時後又再上班，「我哋正常執勤係10至12個鐘，但近半年，經常30幾個鐘不停工作，真係好辛苦，基本上企喺度都瞓得着，但唔瞓得，只有用意志迫自己撐住。」Alex多數被編派到黃大仙警署一帶戒備，隨時奉命出動處理附近各區的衝突。

　　「佢（Alex）都係人，我梗係怕佢撐唔住。」阿May說，「所以每次佢當完更返屋企休息，我都盡量帶兩個小朋友出街，以免嘈吵聲影響睡眠質素。」

　　2020年將至，Alex希望香港盡快回復和平。曾經險死於暴徒之手的他說，對暴徒沒有「恨」，因為身為警隊一員，他沒半刻想過退縮，「維護法紀、除暴安良，係我工作，任何地方都無可能冇警隊！香港係我家，我一定好好守護，諗唔到有咩理由要走。」Alex堅定地說，面對任何違法行為，必定竭力將犯人繩之於法，「我唔會退，亦唔會縮，維持治安係我嘅責任。我希望社會反思，係唔係繼續容許仇警思想蔓延？任由不實資訊傳播？大家應該反思，點解有人針對警隊，佢哋居心何在？」