圖：關子年在二○○○年揸的士開工期間中風昏迷，半身不遂

　　一宗的士交通意外，足以改寫司機命運。「搵食車」去年涉及傷亡的交通意外，以的士所佔的比例最高。「工時長、體力透支、食無定時」，成為的士司機的催命符。當中，就有兩名同為61歲的的士司機，開工期間發生嚴重意外，失去工作能力。意外看似相同，但兩人後來命運完全不同，有人借錢渡日；亦有人重新振作，參與義工活動，助人自助。的士業界大吐苦水，指的士司機被白牌車夾擊打殘，「搵食艱難」下只能無奈死頂，日日直踩12小時。/大公報記者 劉心（文）　李小榣（圖）

　　做義工撫平妻離子散傷痛

　　「2000年某晚凌晨，我喺紅隧裏面揸揸嚇車開工，突然半身失去知覺，開始控制唔到架車。最後夾硬死頂，駛到出收費亭後，昏迷車廂。後來畀人送咗去醫院深切治療部搶救，證實腦中風，導致半身不遂。」現年61歲的關子年指出，當年他得到的士牌約半年，為養妻活兒，日踩12小時，年終無休。惟疑因健康飲食習慣欠佳，引爆體內計時炸彈，被迫退下火線。

　　「中風後，半邊身郁唔到，失去語言能力，揸唔到的士。一年後，妻離子散。的士牌同間屋都歸前妻所有，我兩袖清風，過去美好願景全都化為烏有。」他苦笑指，因病而被迫領取綜援渡日，加上家人離棄，令他懷疑自己存在價值，歷盡低潮，每晚只能窩在床上哭泣。

　　幸而得到朋友不斷鼓勵，及參與義工活動，才再次令我找回生存價值。「我做物理治療嗰陣，治療師安排我去無家者協會擔任接線生，練習講嘢。我先發現，比我過得艱辛嘅人比比皆是，我唔應該咁樣放棄自己。」康復期間，他到處做義工，例如探訪劏房戶等，希望用自身經歷鼓勵別人。他亦發掘了唱粵曲的嗜好，經常到老人院粉墨登場，娛人娛己。

　　日踩12句鐘 小便用水樽解決

　　關子年稱，經歷人生巨變，令他體會良多。「以前我日日揸的士開工，只為錢。要供車、供樓、畀小朋友學費，對錢以外嘅所有人同埋事，漠不關心，甚至連自己身體健康都唔會留意……大病一場後，我覺得，錢財只係身外物，夠用就得。有時間精力，倒不如關心身邊人，貢獻社會。」他在留院期間，看見醫護人員無私奉獻，因而深受感動，已簽署器官捐贈咭，希望過身後亦能成就大愛。

　　他亦以過來人身份勸告在職的士司機，為口奔馳之餘，亦應多留意身體健康。「好多司機朋友，日日踩12個鐘，中間無休息，只係買飯盒上車『扒兩啖』，甚至連小便都只係用水樽解決。放工暴飲暴食，咁嘅生活模式，好容易出事。」