沿海濱行返工
莫先生(50歲):好贊成打通(海濱長廊),香港人好受惠!自己覺得行路環保啲,平時會由西營盤行到中環返工,多數行內街,如果行海邊會更好。
創造城市綠洲
盧小姐(大學三年級):打通長廊可以多啲旅遊景點,香港好多地方係石屎森林,港島同九龍都無乜綠色地方,打通海濱可以整多啲休憩用地,打造城市綠洲。
無長廊講唔通
鄭先生:梗係要打通!我日日都由上環跑到灣仔碼頭,有時被迫行紅綠燈,有啲危險,空氣都無海邊咁好。香港作為國際都會,有海濱無長廊講唔通。
遊維港新體驗
楊先生(來自深圳):很贊成打通長廊,作為遊客會很想體驗一下「超級長廊」,很少地方會有這種體驗,亦可以拍下拖、看下景色,建議多些椅子同食店。