大公產品

首页 > 生活 > 正文

貓爸與小貓/口罩潮/貓爸

時間:2020-01-17 04:28:15來源:大公報

  小貓吃完早餐,準備外出。

  小貓:爸B,唔該幫我攞個口罩。

  貓爸:小貓唔舒服?

  小貓:唔係,好多人在車上咳,戴定穩陣啲。

  貓爸:都啱嘅,不過應該是病人戴才對,口罩是防止飛沫傳播病菌。

  小貓:爸B講得啱,同學有咳嗽流鼻水,在課室都會戴。

  貓爸:有公德心是對的。講起口罩,最近很多藥房賣斷市。

  小貓:有什麼出奇,香港乜嘢都可以搶購一餐。

  貓爸:小貓,知不知不同口罩有不同功能?

  小貓:點會唔知,最勁的一種是N95。

  貓爸:有乜咁勁?

  小貓:N95隔菌和防塵功能都最勁,不過戴起來成個豬嘴咁。

  貓爸:小貓應該未戴過N95吧,爸B就戴過,是沙士疫潮時。

  小貓:體驗如何?

  貓爸:好焗,好難唞氣。

  小貓:其實一般情況下,戴三層外科口罩就夠用。

  貓爸:連三層都知,小貓叻叻!專家話,三層外科口罩能過濾大約七成0.3微米懸浮微粒,而且可阻擋飛沫,戴上又不會像N95那麼難唞氣。

  小貓:所以流感高峰期,周街都見人人戴這一種。

  貓爸:還有一種海綿口罩,都有很多年輕人戴。

  小貓:這一種得個樣,隔下塵還可以,講到隔菌,No way!

  貓爸:不過戴起夠「潮」噃!

  小貓:潮流嘅嘢見仁見智,遮住口鼻,我就不覺「型」嘞!

  貓爸:小貓眼大大,遮住口鼻,不是更突出亮點嗎?

  小貓:戴住個黑口罩,家陣很易被人誤會。

  貓爸:誤會?哦,明白曬!係呢,小貓有冇買過這種口罩?

  小貓:唔話你知。

最新要聞

最新要聞

最受歡迎