立法會通過要求區議員宣誓的法案將於周五生效，攬炒派區議員嘅辭職潮仲未完，噚日再多兩個區議員喺fb宣布辭職，分別為大埔區議員姚躍生及觀塘區議員陳嘉言。
姚躍生以身體及精神狀態不佳為由，辭任大埔區議員，即日起生效。佢話自上任以來壓力倍增，休息時間大減，最近更引致身體狀況同精神狀態出現問題，且狀態每況愈下，已無法繼續勝任區議員一職。而陳嘉言就稱話因宣誓法例帶嚟嘅不明朗前景而請辭，任期至本月31日，佢又話辭職後將會回歸普通人生活，離開公眾視線。
