圖：張紹龍在樂團擔任長號樂手，希望樂團將來能夠演奏出更多好音樂
辦法總比困難多！觀察和模仿是健全人士習以為常的學習方式，但視障人士，卻只能憑觸覺、聽覺和記憶去學習。視障人士演奏時雖不能看樂譜，但可以先背熟整首樂曲；雖然看不到樂團指揮手上的指揮棒，但戴上耳機便能接收指揮的指示。只要懂得變通，耳代眼，就可奏出完美樂章！
學樂器先學組裝
張紹龍加入「香港盲人管弦樂團」始接觸長號，一切由零學起。先學習組裝樂器，已有別於其他健全人士，他解釋，長號是由三個組件組合而成，導師起初會讓他拿着組件反覆摸索，憑觸覺完成組裝。熟習之後便學習如何正確拿起一件樂器。張紹龍指健全人士看一眼便會明白，但視障人士則需要「手把手」教學：「佢真係會捉住我哋去話畀我哋聽，呢隻手要咁擺，呢度要咁樣揸住。」
導師傳授演奏樂器技巧時，亦需要多花時間講解，張紹龍說：「其實長號要靠上、下嘴唇震動發聲，初初我係吹唔響佢，因為我哋睇唔到，導師又唔可以就咁做個嘴形畀我睇，所以用咗好多方法去形容個姿勢係要點樣吹。」經過導師耐心指導，張紹龍最終學會嘴唇震動的技巧，「吹到嘅時候好有滿足感。」
