圖：Stella（上圖右）指辛勤工作大半生，去年終償所願，當上銀髮模特兒，感覺奇妙。旁為「老正工作室」創辦人張艾渟。左圖由受訪者提供
「我對上一次畀人當Model影相，應該喺我18歲那年，當時冇話乜嘢model㗎，只係哥哥同佢一班朋友話學影相，咪叫我幫手企喺度畀佢哋影囉！」然而，時隔接近半個世紀後的今天，Stella如願以償，終於當上真正模特兒行列，成為社創基金資助「老正工作室」30多名銀髮模特兒中的一員。
「當年畀人影，玩玩下之嘛，不過記得好清楚，印象深刻，之後一直很想試一次真嘅，但冇機會，直至舊年機會終於來了，睇報紙見『老正工作室』搵銀髮模特兒，咪膽粗粗去試，結果畀我得咗！」
目前，Stella已經接拍過兩齣電視台的短片廣告，她形容這兩次經歷是大開眼界。「電視我睇得多，冇諗過原來拍一段大約一分鐘嘅短片廣告，用嘅人力物力係咁多，仲要拍成五個鐘咁耐。」
經歷人生60多年，Stella曾經是某麵包烘焙公司的經理，每天返工朝九晚十一，幾乎將每天所有時間奉獻公司，回家即睡覺，睡醒即上班，日日如是，枯燥乏味。退休之年，餘下的人生要做回自己之餘，同時亦享受人生，追夢不怕遲。
