圖：王利民暱稱陳淑莊為「四眼陳議員」，更上載陳淑莊、陳志全與王氏夫婦的合照

　　被停職務的康宏主席王利民在個人Facebook貼上出席公民黨黨魁楊岳橋婚宴的合照，「曬完」有大狀黨「拱照」不久，日前就被康宏正式展開法律訴訟，列為第二被告，控告他與曹貴子等有關人士嚴重違反授信責任，追討損失。官司終於「殺到埋身」，王利民的大狀黨朋友群，豈不是有「用武之地」？

　　不過，原來朋友還朋友，楊岳橋在康宏官司上就與王利民「割席」。楊岳橋稱，與王利民是「私人嘅朋友」，強調無就康宏官司提供法律意見。之但係，楊口中的「私人嘅朋友」，正式被康宏入稟控告前兩日，王太一碟水煮魚，王利民就借碟餸上「刀口花椒」，話自己「何嘗不是在刀口上過活」；明顯王利民食不安。朋友有難，大狀朋友楊岳橋都係得一句：「我對佢出於慰問同關心。」楊大狀又話唔使透過大眾傳媒表達呢種慰問同關心。

　　陳淑莊「扮咀」完玩失蹤

　　至於同王利民「扮咀」合照、另一位王暱稱為「四眼陳議員」的大狀黨朋友陳淑莊，近兩日在Facebook唔見貼上撐王利民相關嘅嘢；即使王利民被康宏控告當日，王在Facebook話「八十幾頁入稟狀，只得嗰段指控，證實佢係無足輕重嘅高層。」結果，都無四眼陳議員回應。四眼陳議員陳淑莊亦唔似楊岳橋咁，回覆《大公報》表達嚇對官司纏身「私人嘅朋友」慰問同關心。

　　鄭晴