圖：市民聽日上港鐵Facebook專頁玩一個網上小遊戲，答啱就有四張飛/港鐵提供
想坐高鐵？唔使等明年通車、唔使山長水遠返內地，下個月就有機會啦！港鐵公司尋日話，10月7日及8日星期六日，上午十點至下午五點，喺石崗列車停放處舉行高鐵列車開放日，屆時有機會參加導賞團，入車廂參觀，亦有展覽、拍照留念及遊戲攤位，門票今個星期五（15日）晚上六點起，透過港鐵Facebook專頁派出，只需要玩一個網上小遊戲，答啱就有四張飛，名額四千人，先到先得，派完即止，有興趣嘅市民、鐵路迷，記得撲飛啦！
